ԱՄՆ նախագահ Ջո Բայդենը հեռախոսազրույց է ունեցել իր ուկրաինացի գործընկեր Վլադիմիր Զելենսկու հետ և նրան հրավիրել Վաշինգտոն ամռան վերջերին: Այս մասին լրագրողների հետ ճեպազրույցում հայտարարել է ԱՄՆ նախագահի ազգային անվտանգության հարցերով օգնական Ջեյք Սալիվանը:
Բայդենը Զելենսկուն հավաստիացրել է, որ կպաշտպանի Ուկրաինայի շահերը հունիսի 16-ին Ռուսաստանի Դաշնության նախագահ Վլադիմիր Պուտինի հետ Ժնևում կայանալիք առաջիկա հանդիպման ժամանակ, հաղորդում է ՏԱՍՍ-ը:
«Նրանք հնարավորություն ունեցան երկար խոսելու ԱՄՆ-ի ու Ուկրաինայի հարաբերությունների բոլոր հարցերի շուրջ: Նախագահ Բայդենը կարողացավ նախագահ Զելենսկուն ասել, որ վճռականորեն պաշտպանելու է Ուկրաինայի ինքնիշխանությունն ու տարածքային ամբողջականությունը», ասել է Սալիվանը։
