ԱՄՆ նախագահ Ջո Բայդենը հայտարարել է, որ երկարաձգել է Թուրքիայի դեմ պատժամիջոցները՝ Սիրիայում Անկարայի գործողությունների պատճառով:
Նրա խոսքով, Սիրիայի հյուսիս-արևելքում Թուրքիայի իշխանությունների գործողությունները «խարխլում են ԻՊ-ին հաղթելու արշավը, ինչպես նաև վտանգում են խաղաղ բնակիչներին և սպառնում խաթարել տարածաշրջանում խաղաղությունը, անվտանգությունն ու կայունությունը»:
Ինչպես նշում է ՌԻԱ գործակալությունը, սահմանափակումները մտցվել են 2019 թվականին՝ Սիրիայում թուրքական զինված ուժերի ներխուժման և քրդական աշխարհազորայինների դեմ գործողությունների պատճառով: Այդ ժամանակ պատժամիջոցների տակ ընկան պաշտպանության նախարար, Թուրքիայի գլխավոր շտաբի նախկին հրամանատար Հուլուսի Աքարը, ինչպես նաև պաշտպանության նախարարությունն ու էներգետիկայի նախարարությունը:
