ԱՄՆ նախագահ Ջո Բայդենն անխուսափելի չի համարում «Թալիբան» շարժման կողմից Քաբուլի գրավումը: Նա աֆղանական զորքերին կոչ է արել հետ մղել թալիբներին: Այս մասին ճեպազրույցի ժամանակ հայտարարել է Սպիտակ տան մամուլի քարտուղար Ջեն Փսակին, հաղորդում է «Իզվեստիան»:
«Նախագահը շարունակում է գտնել, որ թալիբների կողմից Քաբուլի կամ երկրի գրավումն անխուսափելի չէ, և որ այս փուլում նրանք պետք է քաղաքական կամք ցուցաբերեն հակահարված տալու համար», ասել է Փսակին՝ վկայակոչելով ամերիկացի առաջնորդի խոսքերը:
«Մեր և նախագահի տեսակետն այն է, որ այժմ նրանք [աֆղանական բանակը] պետք է օգտագործեն իրենց տրամադրված ուսուցումը, օգնությունն ու անվտանգության դասընթացները», եզրափակել է Փսակին:
