Աֆղանստանի նախագահ Աշրաֆ Գանին շաբաթ օրը հայտարարել է, որ հրատապ խորհրդակցություններ են անցկացվում կառավարական ուժերի և «Թալիբան» շարժման միջև հրադադարի հասնելու համար։ Ինչպես հաղորդել է Agence France-Presse-ը, նա այդ մասին հայտարարել է ազգին իր ուղերձում:
«Պատերազմը դադարեցնելու համար անհապաղ շփումներ են հաստատվում, պետք է գտնել քաղաքական լուծում, որը կերաշխավորի տևական խաղաղություն և կայունություն», ասել է նա:
Երկրի ղեկավարի խոսքով՝ ինքը խորհրդակցություններ է անցկացնում կառավարության, քաղաքական առաջնորդների և միջազգային գործընկերների հետ: Իր խոսքում Գանին նաև նշել է «անվտանգության ու պաշտպանության ուժերի վերակառուցման անհրաժեշտությունը, որը թիվ մեկ առաջնահերթությունն է»:
