Ճապոնական ծովում ավարտվել են Ռուսաստանի և Չինաստանի ռազմածովային ուժերի «Ծովային փոխազդեցություն – 2021» եռօրյա զորավարժությունները: ՏԱՍՍ-ի հաղորդմամբ՝ այս մասին հայտնել են Ռուսաստանի պաշտպանության նախարարությունից:
«Ընդհանուր առմամբ, զորավարժությունների ընթացքում ռուս և չինացի նավաստիները կատարել են ավելի քան 20 տարբեր մարտական վարժություններ», – նշել են ռազմական գերատեսչությունում:
Եզրափակիչ փուլի շրջանակներում երկու երկրների նավերը՝ հակասուզանավային ավիացիայի աջակցությամբ, նշանակված շրջանում հայտնաբերեցին և արգելափակեցին հակառակորդի սուզանավը:
