ԱՄՆ ռազմաօդային ուժերը վերջին 24-48 ժամվա ընթացքում մի քանի օդային հարվածներ են հասցրել «Թալիբան» արմատական շարժման դիրքերին և կշարունակեն օդային աջակցություն տրամադրել աֆղանական անվտանգության ուժերին մինչև առնվազն օգոստոսի 31-ը: Այդ մասին հայտարարել է Պենտագոնի ներկայացուցիչ Ջոն Քիրբին մամուլի ճեպազրույցի ժամանակ, հայտնում է ՏԱՍՍ-ը:
Քիրբին ընդգծել է, որ թալիբների նկատմամբ հաղթանակը «կախված է [աֆղանական] ղեկավարությունից՝ ինչպես քաղաքական, այնպես էլ ռազմական»: Ինչպես ընդգծել է Քիրբին, այժմ պարզ է, որ թալիբները մտադիր են հասնել իրենց նպատակներին «ուժով և դաժանությամբ»: Նա հավելել է, որ «հնարավոր արդյունքներից ոչ մեկն անխուսափելի չէ, այդ թվում՝ Քաբուլի անկումը, որի մասին բոլորը խոսում են»:
