ԱՄՆ պետքարտուղարի քաղաքական հարցերով տեղակալ Վիկտորիա Նուլանդը հայտարարել է, որ Չինաստանի իշխանությունները չեղարկել են պատվաստանյութերի մատակարարումը Ուկրաինային, քանի որ վերջինս ՄԱԿ-ում քվեարկել է Սինցզյան բանաձևի օգտին:
Արևմտյան երկրների հետ Պեկինի հարաբերությունների սրման պատճառ է հանդիսանում Չինաստանում ազգային փոքրամասնությունների իրավունքների թեման: Արևմտյան պետությունները ՉԺՀ-ին մեղադրում են ուղղիչ ճամբարների ցանց ստեղծելու մեջ, որտեղ կարող են բռնի պահվել մինչև 1 միլիոն ույղուրներ, իսկ այնտեղ գտնվող մարդիկ՝ հարկադիր աշխատանք կատարել:
«Սա պատվաստանյութերի օգտագործումն է որպես զենք: Մենք, որպես ժողովրդավարություն, ցանկանում ենք դիմադրել դրան», ասել է նա:
«Ուկրաինան Չինաստանի զոհ դարձավ, երբ ՄԱԿ-ի Մարդու իրավունքների խորհրդում քվեարկեց Սինցզյանգի մասին բանաձևի համար: Չեղյալ է հայտարարվել 500,000 կորոնավիրուսային պատվաստանյութերի առաքումը Չինաստանից», ասել է Նուլանդը:
ԱՄՆ-ը մտադիր է արագ արձագանքել Ուկրաինայի շուրջ իրավիճակը սրելու փորձերին, բայց Կիևը պետք է բարեփոխումներ իրականացնի, նրա խոսքերը հաղորդում է ՏԱՍՍ-ը:
