ԱՄՆ-ն հաջողությամբ փորձարկել է Minuteman III միջմայրցամաքային բալիստիկ հրթիռը: Այդ մասին հայտնել է Պենտագոնը Twitter-ի իր էջում:
Նման փորձարկումները անհրաժեշտ են սպառազինության համակարգերի պատրաստվածության վերահսկման համար, նշել է գերատեսչությունը: Բացի դրանից, ըստ զինվորականների, փորձարկման մեկնարկը հնարավորություն տվեց համոզել դաշնակիցներին, որ միջուկային զսպման ամերիկյան միջոցները «անվտանգ, հուսալի և արդյունավետ են», հայտնում է «Իզվեստիան»: Ավելի վաղ՝ մայիսին հաղորդվել էր Minuteman III-ի փորձարկումների ձախողման մասին:
