Մոսկվան համարժեք կարձագանքի, եթե ամերիկյան «Տոմահավկ» թևավոր հրթիռները տեղափոխվեն Կիև. հայտարարել է Ռուսաստանի նախագահի խոսնակ Դմիտրի Պեսկովը։
Նա մեկնաբանել է այն տեղեկությունները, որ Միացյալ Նահանգները Ուկրաինային տրամադրում է հետախուզական տվյալներ՝ Ռուսաստանի տարածքում հարվածներ հասցնելու համար։
«Ամերիկայի Միացյալ Նահանգները անընդհատ հետախուզական տվյալներ է փոխանակում Ուկրաինայի հետ առցանց։ Սա նորություն չէ։
Ակնհայտ է, որ հետախուզական տվյալներ են փոխանակվում, ավելի ճիշտ՝ ոչ թե փոխանակվում, այլ մատակարարվում, և որ ՆԱՏՕ-ի և ԱՄՆ-ի ողջ ենթակառուցվածքն օգտագործվում է Ուկրաինային հետախուզական տվյալներ հավաքելու և փոխանցելու համար», – եզրափակել է Պեսկովը։
