ԱՄՆ նախագահ Դոնալդ Թրամփը հայտարարել է, որ Ուկրաինային անվտանգության երաշխիքներ տրամադրելու հարցը դեռևս կոնկրետ չի քննարկվել։
Թրամփն այս հայտարարությունն արել է Սպիտակ տանը նոր գործադիր հրամանագրերի ստորագրման արարողության ժամանակ՝ լրագրողների հարցերին իպատասխան։
Նրա խոսքով՝ եվրոպական երկրները պետք է ստանձնեն գլխավոր պատասխանատվությունը։
«Մենք դեռ չգիտենք, թե ինչպիսի անվտանգության երաշխիքներ կտրամադրվեն, քանի որ այս հարցի շուրջ որևէ կոնկրետ քննարկում չի եղել։ Կտեսնենք։ Նախևառաջ, եվրոպացիները պետք է նրանց զգալի երաշխիքներ տան։ Այդպես էլ պետք է լինի, քանի որ նրանք այդ տարածաշրջանում են։ Եվ մենք կներգրավվենք գործընթացում՝ աջակցության առումով», – նշել է Թրամփը։
Թրամփը տեղեկացրել է, որ Վաշինգտոնը այլևս ֆինանսական ռեսուրսներ չի տրամադրում Ուկրաինային։
