ԱՄՆ-ը և Ֆրանսիան ՌԴ-ին հորդորում են հստակեցնել Թուրքիայի դերը ղարաբաղյան համաձայնագրում

ԱՄՆ-ը և Ֆրանսիան Ռուսաստանից ավելի հստակություն են ցանկանում Լեռնային Ղարաբաղում ռազմական գործողությունների դադարեցման պայմանների, ինչպես նաև համապատասխան պայմանագրերում Թուրքիայի դերի վերաբերյալ: Այս մասին հայտնում է ՏԱՍՍ-ը՝ վկայակոչելով Պետդեպարտամենտի մամուլի ծառայությանը:

Փարիզում ԱՄՆ պետքարտուղար Մայքլ Պոմպեոյի և Ֆրանսիայի արտաքին գործերի նախարար Ժան-Իվ Լե Դրիանի բանակցությունների ընթացքում կողմերը մանրամասն քննարկել են Լեռնային Ղարաբաղը: ԱՄՆ-ի և Ֆրանսիայի արտաքին գործերի գերատեսչությունների ղեկավարները ճանաչել են Ռուսաստանի ձեռնարկած գործողությունները, որոնք հանգեցրել են հրադադարի:

Միևնույն ժամանակ, դեռ շատ հարցեր կան, որոնք Ռուսաստանից հստակություն են պահանջում համաձայնագրի պարամետրերի, այդ թվում ՝ Թուրքիայի դերի վերաբերյալ, հավելել է Պետդեպարտամենտի մամուլի ծառայությունը: