ԱՄՆ վարչակազմը իշխանության օրենսդիր ճյուղի հետ համատեղ աշխատում է Իսրայելի «Երկաթե գմբեթ» ՀՕՊ համակարգի պաշարները ֆինանսավորելու համար: Այս մասին երկուշաբթի օրը հայտարարել է ԱՄՆ պետքարտուղար Էնթոնի Բլինկենը Կոնգրեսի Ներկայացուցիչների պալատի Արտաքին հարաբերությունների հանձնաժողովի լսումների ժամանակ:
«Մենք հավատարիմ ենք «Երկաթե գմբեթ» համակարգի համալրմանը: Իսրայելի պաշտպանության նախարար Բենի Գանցը անցյալ շաբաթ Վաշինգտոնում էր, ես հանդիպել եմ նրա հետ, Պենտագոնի ղեկավար Լլոյդ Օստինը հանդիպել է նրա հետ։ Մենք աշխատում ենք Իսրայելի հետ, որպեսզի հասկանանք նրանց կարիքները: Մենք նաև աշխատում ենք Կոնգրեսի հետ`համակարգի համալրումը ֆինանսավորելու համար: Դա ակտիվ քննարկման փուլում է», նրա խոսքերը հաղորդում է ՏԱՍՍ-ը:
