Զորքերը դուրս բերելուց հետո ԱՄՆ-ը նախատեսում է կենտրոնանալ աֆղանական ուժերին ֆինանսական աջակցություն ցուցաբերելու վրա, լրագրողների համար ճեպազրույցում հայտարարել է Պենտագոնի խոսնակ Ջոն Քիրբին:
«Ես ուզում եմ շեշտել, որ այս պահի դրությամբ զորքերի դուրսբերումից հետո աջակցությունը հիմնականում ուղղված կլինի ֆինանսական ռեսուրսների, ինչպես նաև ավելի երկարաժամկետ հեռանկարում որոշակի նյութատեխնիկական աջակցության վրա», – մեջբերում է Պենտագոնի մամուլի ծառայությունը նրա խոսքերը:
Քիրբիին խնդրել են պարզաբանել, արդյոք դա նշանակում է, որ ԱՄՆ-ն իր զորքերի դուրսբերումից հետո կդադարեցնի աֆղանական ուժերի անմիջական պատրաստումը: «Այն էի ցանկանում ընդգծել, որ ներկայումս շեշտը դրվում է նյութատեխնիկական ապահովման վրա, հիմնականում ավիատեխնիկայի սպասարկման և նորոգման, ինչպես նաև ֆինանսական աջակցության վրա: Եվ դրանից դուրս ես չեմ կարող խոսել մեր ընդունած որոշումների մասին», պատասխանել է ռազմական գերատեսչության ներկայացուցիչը։
