ԱՄՆ ռազմաօդային ուժերի ուղղաթիռն այսօր դեսանտ է իջեցրել Սիրիայի հյուսիսարևելյան Հասեկե նահանգում: Ինչպես հայտնել է AlHadath հեռուստաալիքը, ամերիկացի զինծառայողները քրդական կազմավորումների մարտիկների աջակցությամբ այնտեղ գործողություն են իրականացրել «Իսլամական պետություն» խմբավորման ահաբեկիչների դեմ:
Գործողությունը տեղի է ունեցել Թել Խամիս շրջանում: Ամերիկացի զինվորականները ներխուժել են Էն-Նաֆաիլ գյուղի մի քանի տներ, որտեղ թաքնվում էին գրոհայինները, և իրենց հետ տարել են գերիներին:
