Ադրբեջանը պատրաստակամություն է հայտնել ընդլայնել դեպի Եվրոպա գազի մատակարարումները

Բաքուն ծրագրում է ընդլայնել դեպի Եվրոպա գազի մատակարարումների աշխարհագրությունը և պատրաստ է աշխատել Բրյուսելի հետ այդ ուղղությամբ, ասել է Ադրբեջանի նախագահ Իլհամ Ալիևը: Չորեքշաբթի օրը Ալիևը Բաքվում ընդունեց Ադրբեջանում ԵՄ նորանշանակ ներկայացուցիչ Պետր Միխալկոյին:

«Ադրբեջանը դեպի Եվրոպա գազի մատակարարումները սկսեց 2020-ի վերջերին: Մենք տեսնում ենք, որ կարող ենք գազի մատակարար դառնալ ԵՄ այլ երկրների համար: Մենք նախատեսում ենք ԵՄ-ի հետ աշխատել մատակարարումների աշխարհագրությունը ընդլայնելու նպատակով», – Ալիևին մեջբերում է ՌԻԱ գործակալությունը: