Թեհրանի նավթի վերամշակման գործարանի հրդեհը վերահսկողության տակ է վերցվել, հինգշաբթի օրը հայտարարել է նավթավերամշակման գործարանի պաշտոնական ներկայացուցիչ Շաքեր Հաֆային:
«Մեկ-երկու ժամվա ընթացքում կրակն ամբողջությամբ կմարվի», նրա խոսքերն է մեջբերում ՏԱՍՍ-ը:
Թեհրանի վերամշակման գործարանում խոշոր հրդեհը բռնկվել էր չորեքշաբթի երեկոյան: Դեպքի վայր են ուղարկվել հրշեջներ: Ավելի վաղ Հաֆային հայտնել էր, որ հրդեհից տուժել է ընդամենը մեկ բաք ՝ 20 հազար բարել տարողությամբ:
Հաղորդվում է, որ «վերամշակման գործարանի ոչ մի այլ օբյեկտ չի վնասվել»:
