Գամալեյա կենտրոնի տնօրեն Ալեքսանդր Գինցբուրգը հայտարարել է, որ III փուլի փորձարկումների ընթացքում «Սպուտնիկ V» կորոնավիրուսային պատվաստանյութը կամավորների մոտ լուրջ բարդություններ չի առաջացրել, հայտնում է ՌԻԱ Նովոստին:
«Կլինիկական հետազոտությունները լիովին հաստատել են ավելի վաղ` առաջին և երկրորդ փուլերում ստացված արդյունքները, որոնք նույնպես հրապարակվել են: (…) Այս արդյունքները ցույց են տալիս պատվաստանյութի լիակատար անվտանգությունը: Գրեթե 30 հազար անձանց շրջանում լուրջ բարդություններ չեն հայտնաբերվել», — ասել է Գինցբուրգը:
