ԱՄՆ պետքարտուղար և ԱՄՆ նախագահի ազգային անվտանգության հարցերով խորհրդականի պաշտոնակատար Մարկո Ռուբիոն դժգոհություն է հայտնել այն փաստի կապակցությամբ, որ Իրանի արտաքին գործերի նախարար Աբբաս Արաղչին պատրաստվում է հանդիպել Ռուսաստանի ղեկավարության, այլ ոչ թե Վաշինգտոնի ներկայացուցիչների հետ։
«Ես տեսա, որ արտաքին գործերի նախարարը ԱՄՆ առաջնորդի հատուկ բանագնաց Սթիվ Ուիթքոֆի հետ հանդիպելու փոխարեն ուղևորվում է Մոսկվա՝ Ռուսաստանի նախագահ Վլադիմիր Պուտինի հետ հանդիպելու», – CBS News-ի եթերում ասել է ԱՄՆ Պետդեպարտամենտի ղեկավարը։
Միևնույն ժամանակ, Ռուբիոն խոստովանել է, որ չի կարող որևէ էական առարկություն ներկայացնել Ռուսաստանում Իրանի ԱԳ նախարարի բանակցությունների վերաբերյալ։
