Ռուսաստանի նախագահ Վլադիմիր Պուտինի և Գերմանիայի կանցլեր Անգելա Մերկելի բանակցությունները Կրեմլում այսօր գրեթե երեք ժամ է՝ ինչ ընթանում են: Հանդիպումը տեղափոխվել է ընդլայնված ձևաչափ, հայտնում է Իզվեստիան:
Հանդիպման սկզբում Պուտինը Գերմանիան անվանել է Ռուսաստանի հիմնական գործընկերներից մեկը: Մերկելն ասել է, որ դա իր հրաժեշտի այցն է, և կողմերը քննարկելու բան ունեն: Մերկելը ճիշտ է անվանել Մոսկվայի հետ երկխոսության պահպանումը՝ չնայած տարաձայնություններին: Ավելի վաղ կանցլերը հայտնել էր, որ կողմերը կքննարկեն երկկողմ հարաբերությունները, ինչպես նաև միջազգային օրակարգի մի շարք հարցեր, այդ թվում`Լիբիան և Աֆղանստանը:
