ԱՄՆ պետքարտուղար Էնթոնի Բլինկենը կարծում է, որ Չինաստանը շեղվել է իր միջուկային ռազմավարությունից՝ հիմնվել նվազագույն զսպման վրա: Պետքարտուղարը համապատասխան հայտարարությունն է արել Հարավարևելյան Ասիայի ազգերի ասոցիացիայի 28-րդ տարածաշրջանային ֆորումի ժամանակ:
«Պետքարտուղարը խոր մտահոգություն է հայտնել ՉԺՀ-ի միջուկային զինանոցի արագ աճի կապակցությամբ», ասված է Պետդեպարտամենտի հայտարարության մեջ:
Էնթոնի Բլինկենը, այլ երկրների հետ միասին, Կորեական թերակղզու ամբողջական ապամիջուկայնացման կոչ է արել: ԱՄՆ-ի դեպարտամենտի ղեկավարը պնդել է, որ Չինաստանը «սադրիչ պահվածք» է ցուցաբերել Հարավչինական ծովում: Բացի դրանից, Բլինկենը կրկին Պեկինին վերագրել է Հոնկոնգում, Սինցզյանում և Տիբեթում մարդու իրավունքների խախտումները: Պետքարտուղարը նաև կոչ է արել ճնշում գործադրել Մյանմայի զինվորականների վրա:
