Շոյգուն և Օստինը քննարկել են անվտանգության հարցեր

109

Ռուսաստանի պաշտպանության նախարար Սերգեյ Շոյգուն հեռախոսազրույց է ունեցել իր ամերիկացի գործընկեր Լլոյդ Օստինի հետ: ՏԱՍՍ-ի համաձայն, այս մասին լրագրողներին հայտնել են Ռուսաստանի պաշտպանության նախարարությունում:

«Քննարկվել են ռազմավարական կայունության վերաբերյալ երկկողմ խորհրդակցությունների արդյունքները, ինչպես նաև գլոբալ և տարածաշրջանային անվտանգության հարցեր», հայտնել են նախարարությունում:

«Զանգի նպատակն էր աջակցել թափանցիկության ապահովման և ռիսկերի նվազեցման ջանքերին հուլիսի 28-ին Ժնևում ԱՄՆ-Ռուսաստան ռազմավարական կայունության երկխոսության վերսկսումից հետո», ասված է Պենտագոնի խոսնակ Ջոն Քիրբիի հայտարարության մեջ: