ԱՄՆ նախագահ Ջո Բայդենի հայտարարությունները Ռուսաստանի վերաբերյալ հանգեցնում են միջազգային հարաբերությունների սրմանը: Այս կարծիքը հայտնել է ՌԴ Լիբերալ-դեմոկրատական կուսակցության առաջնորդ Վլադիմիր Ժիրինովսկին, հաղորդում է ՏԱՍՍ-ը:
Նրա խոսքերով, «տեղի է ունենում միջազգային հարաբերությունների քայքայում»: «Դա [Բայդենի հայտարարությունը] անընդունելի է, զզվելի է», ասել է քաղաքական գործիչը: Կուսակցության ղեկավարը կարծում է, որ ԱՄՆ-ի նման ուղեգիծը նպատակ ունի սադրել Ռուսաստանի Դաշնությանը։
Միևնույն ժամանակ, Ժիրինովսկին հորդորել է չպիտակավորել Բայդենին: «Նրան ստիպեցին դառնալ նախագահ, որպեսզի նա բարձրաձայնի այն մտքերը, որոնք անհրաժեշտ են խմբավորմանը։ Նրան կարող են կառավարել։ Նրան հանձնարարություն են տվել», համոզված է Ժիրինովսկին:
