Ռուսաստանի առողջապահության համակարգի կայունության ապահովումը վարակիչ մարտահրավերներին, ինչպես նաև վարակիչ հիվանդություններով պացիենտներին բժշկական օգնություն տրամադրելու համակարգի արդիականացման ծրագրի մշակումը 2021 թ. Ռուսաստանի Դաշնության առողջապահության նախարարության գերակա խնդիրներն են, հայտարարել է Ռուսաստանի առողջապահության նախարար Միխայիլ Մուրաշկոն:
«Առաջնային խնդիրը պետք է լինի ապահովել առողջապահական համակարգի կայունությունը վարակային մարտահրավերներին: Նախևառաջ, մենք պետք է ապահովենք, որ COVID-19-ի հատուկ կանխարգելումն ընդգրկի չափահաս բնակչության առնվազն 60%-ին, և մենք նաև պետք է զարգացնենք նոր պատրաստուկներ այս հիվանդությունը բուժելու համար», ասել է նա ՝ ելույթ ունենալով Ռուսաստանի Դաշնության առողջապահության նախարարության կոլեգիայում: Նրա խոսքերը հաղորդում է ՏԱՍՍ-ը։
