Իրանի դեմ ԱՄՆ-ի միակողմանի պատժամիջոցների կիրառման հարցում որոշ դեպքեր հանգեցնում են իրանցիների իրավունքների, մասնավորապես` նրանց առողջության պահպանման իրավունքի խախտմանը: Այդ մասին Ժնևում հայտարարել են իրավունքների և ազատությունների ոլորտում ՄԱԿ-ի փորձագետները:
Հայտարարության պատճառն Իրանին շվեդական ընկերություններից մեկի կողմից մաշկի հիվանդությունների համար օգտագործվող բժշկական վիրակապերի մատակարարումների դադարեցումն էր:
Փորձագետներն ընդգծել են, որ «2018 թվականին Իրանի դեմ ԱՄՆ-ի պատժամիջոցների երկարաձգումը հանգեցրել է շվեդական ընկերության կողմից Իրանի հետ ցանկացած բիզնեսի դադարեցմանը՝ ներառյալ «մարդասիրական ապրանքների» թույլատրված առևտրի, և դա արվել է «երկրորդական պատժամիջոցներից վախենալու պատճառով», հաղորդում է ՏԱՍՍ-ը:
