Եթե Իրանը որոշի փակել Հորմուզի նեղուցը, դա կառաջացնի ոչ միայն Միացյալ Նահանգների, այլև այլ երկրների արձագանքը և կլինի լուրջ սրացում, Fox News-ին ասել է ԱՄՆ պետքարտուղար Մարկո Ռուբիոն։
Միացյալ Նահանգները կոչ է անում Չինաստանին համոզել Իրանին չփակել Հորմուզի նեղուցը, Fox News-ին ասել է պետքարտուղար Ռուբիոն։
Ռուբիոյի խոսքով՝ չնայած Իրանը մերժել է ԱՄՆ-ի առաջարկը Իրանի քաղաքացիական միջուկային ծրագրի վերաբերյալ, Միացյալ Նահանգները պատրաստ է վաղը ևեթ վերսկսել բանակցություններն այդ թեմայով։ Մարկո Ռուբիոն խոսել է ԱՄՆ ապագա ծրագրերի մասին՝ նշելով, որ Իրանի դեմ ռազմական գործողություններ այս պահին չեն նախատեսվում:
ԱՄՆ փոխնախագահ Ջ.Դ. Վենսը հայտարարել է, որ Հորմուզի նեղուցում նավագնացությունը խաթարելու Իրանի փորձը «ինքնասպանություն» կլինի Իսլամական Հանրապետության տնտեսության համար։
