Իսրայելի վարչապետ Բենիամին Նեթանյահուն զգուշացրել է Իրանի ժողովրդին, որ Իրանի իշխանությունները տարածաշրջանը ներքաշում են պատերազմի մեջ։
Times of Israel-ի հաղորդմամբ՝ այս մասին Նեթանյահուն այսօր ասել է Իրանի ժողովրդին ուղղված իր ուղերձում։
Նա ընդգծել է, որ Իրանում ժողովուրդը գիտակցում է իր նկատմամբ կառավարության անտարբերությունը։ Ըստ Նեթանյահուի՝ երկու ժողովուրդների բարեկամությունը հնարավոր կդառնա միայն Իրանում իշխանափոխությունից հետո.
«Իրանի և Իսրայելի միջև խաղաղությունը կհաստատվի հինգ մայրցամաքներում այս երկրի կողմից ստեղծված ահաբեկչական ցանցի ոչնչացումից հետո։ Այնուհետեւ մեր երկրները կհամագործակցեն համաշխարհային ներդրումների, զբոսաշրջության, տեխնոլոգիական նորարարությունների եւ այլ ոլորտներում, եւ կապահովվի Իրանի զարգացումը Ղումից մինչեւ Սպահան, Շիրազից մինչեւ Թավրիզ։
Իրանում իշխանափոխությունից հետո տասնյակ միլիոնավոր մարդկանց երջանիկ ապագան կապահովվի։ Թող Իրանի ժողովուրդն իմանա, որ Իսրայելն ու նրա ժողովուրդը միշտ իրենց հետ են։ Ես քաջ գիտակցում եմ, որ դուք չեք աջակցում «Հըզբոլլահին»,- ասել է հրեա վարչապետը։
