Իսրայելի վարչապետ Նաֆթալի Բենեթը Վաշինգտոն այցից առաջ The New York Times-ին տված հարցազրույցում հայտարարել է արաբական երկրների կոալիցիա ստեղծելու մտադրության մասին, որը ուղղված կլինի Իրանի ազդեցությունը տարածաշրջանում սահմանափակելուն:
Իսրայելի կառավարության ղեկավարը նշել է, որ օգոստոսի 26-ին կայանալիք հանդիպման ժամանակ ինքը ԱՄՆ նախագահ Ջո Բայդենին կներկայացնի իր ռազմավարությունը:
«Այն, ինչ մենք պետք է անենք, այն, ինչ մենք անում ենք, ռացիոնալ արաբական երկրների տարածաշրջանային կոալիցիայի ստեղծումն է, երկրներ, որոնք մեզ հետ միասին կպայքարեն և կկանխեն այդ ընդլայնումը», ասել է նա:
Նա չի բացահայտել ծրագրի մանրամասները: Իսրայելի վարչապետը օգոստոսի 25-26-ը կայցելի ԱՄՆ:
