ԱՄՆ նախկին նախագահ Դոնալդ Թրամփը քննադատել է Աֆղանստանից ամերիկյան զորքերը դուրս բերելու գործող ղեկավար Ջո Բայդենի վարչակազմի ռազմավարությունը: Նրա խոսքով, եթե ինքը մնար Սպիտակ տանը, ապա այս գործընթացը կընթանար այլ պայմաններով:
«Եթե 2020-ի մեր նախագահական ընտրությունները չկեղծվեին, և ես հիմա նախագահ լինեի, աշխարհը կիմանար, որ Աֆղանստանից մեր դուրս գալը հիմնված կլիներ որոշակի պայմանների վրա», մեջբերում է Թրամփի հայտարարությունը ՌԻԱ գործակալությունը:
Թրամփը նշել է, որ իր օրոք Աֆղանստանից ամերիկյան զորակազմի դուրսբերումը բոլորովին այլ կլիներ, և «թալիբները դա ավելի լավ էին հասկանում, քան որևէ մեկը»:
Թրամփն իր հայտարարության մեջ նաև հիշեցրել է թալիբների հետ շփման իր փորձը: «Այն, ինչ կատարվում է հիմա, անընդունելի է: Դա պետք է շատ ավելի լավ արվեր», ասել է Թրամփը՝ նկատի ունենալով Աֆղանստանում անվտանգության իրավիճակի վատթարացումը:
