Թեհրանի նավթավերամշակման գործարանը վերսկսել է աշխատանքը հունիսի 2-ի խոշոր հրդեհից հետո: Այս մասին ուրբաթ օրն ասել է նավթավերամշակման գործարանի գործադիր տնօրեն Համիդ Արմանֆարը:
«Հաշվի առնելով այն, որ հրդեհն ամբողջությամբ մարվել է <…>, Թեհրանի նավթավերամշակման գործարանը վերսկսել է արտադրությունը», մեջբերում է նրան IRNA-ն: Արմանֆարը հավելել է, որ «այս պահին վերամշակման գործարանում արտադրությունն իրականացվում է առանց որևէ խնդրի»:
Թեհրանի այդ գործարանը երկրի ամենամեծ վերամշակման գործարաններից է, որն ապահովում է Իրանի վերամշակման հզորության շուրջ 15%-ը:
