«Թալիբան» արմատական շարժման պատվիրակությունը շաբաթ օրը Դոհայում ամերիկացի դիվանագետների հետ հանդիպում ունեցավ, որն առաջինն էր Աֆղանստանի տարածքից ԱՄՆ զինված ուժերի դուրսբերումից հետո: Այս մասին հայտարարել է Al Jazeera հեռուստաալիքը:
«Աֆղանստանի իսլամական էմիրության պատվիրակությունը» Քաթարի մայրաքաղաքում բանակցություններ է վարել ամերիկացի գործընկերների հետ: Կապերը կշարունակվեն մինչև այսօրվա ավարտը, ինչպես նաև կլինեն վաղը: Զրույցի ընթացքում մենք կենտրոնացանք մարդասիրական օգնություն [Քաբուլին] տրամադրելու և Դոհայի համաձայնագրի [Վաշինգտոնի և արմատականների միջև] իրականացման վրա», – հեռուստաալիքը մեջբերում է Ամիր Խան Մոթթակիի խոսքերը, ով թալիբների կողմից նշանակվել է Աֆղանստանի ժամանակավոր կառավարությունում արտաքին գործերի նախարարի պաշտոնում:
