Միացյալ Նահանգների հակառակորդները Կոնգրեսում տեղի ունեցած անկարգությունները համարում են ապացույց, որ ամերիկյան ժողովրդավարության օրերը հաշված են, բայց նրանք սխալվում են, հայտարարել է ԱՄՆ նախագահ Ջո Բայդենը Սենատին և Ներկայացուցիչների պալատին իր առաջին ուղերձում:
«Կարո՞ղ է արդյոք մեր ժողովրդավարությունը կատարել իր խոստումը, որ Աստծո պատկերով և նմանությամբ հավասար ստեղծված բոլորս հնարավորություն ունենք ունենալ արժանապատիվ կյանք, հարգանք և հնարավորություն: Կարո՞ղ է արդյոք մեր ժողովրդավարությունը բավարարել մեր ժողովրդի ամենահրատապ կարիքները: Կկարողանա՞ մեր ժողովրդավարությունը հաղթահարել մեզ իրարից բաժանող ստերը, զայրույթը, ատելությունն ու վախերը: Ամերիկայի հակառակորդները՝ ամբողջ աշխարհի ավտոկրատները, վստահ են, որ չի կարողանա», ասել է Բայդենը:
Նա չի նշել, թե կոնկրետ որ երկրների մասին է խոսքը, բայց նրանք, նախագահի խոսքերով, կարծում են, որ ԱՄՆ-ն «լի է զայրույթով և տարաձայնություններով»:
