ԱՄՆ նախագահ Ջո Բայդենը կարծում է, որ Աֆղանստանից ամերիկյան զորախմբի դուրսբերման առաքելությունը «անհավանականորեն հաջողված էր»: Այդ մասին նա հայտարարել է իսլամական հանրապետությունում 20-ամյա ռազմական գործողության ավարտի կապակցությամբ ժողովրդին իր ուղերձում:
Բայդենը Աֆղանստանում ԱՄՆ ռազմական առաքելությունն անվանել է ԱՄՆ պատմության մեջ ամենաերկար պատերազմը:
«Մենք նաև ավարտեցինք պատմության մեջ ամենամեծ օդային տարհանումը: Այս առաքելության անհավանական հաջողությունը պայմանավորված էր ամերիկացի զինվորականների, դիվանագետների և հետախուզության աշխատակիցների ակնառու ունակությամբ, հմտությամբ, քաջությամբ և նվիրվածությամբ», – ասել է ամերիկացի առաջնորդը ճեպազրույցի ժամանակ, որը Սպիտակ տունը փոխանցում է իր թվօթերյան էջում:
