ԱՄՆ նախագահ Ջո Բայդենը հայտարարել է, որ հունիսին ակնկալում է բանակցություններ վարել Ռուսաստանի ղեկավար Վլադիմիր Պուտինի հետ: Ամռան առաջին ամսում նա կայցելի Եվրոպա, հաղորդում է Բլումբերգը:
«Հուսով եմ, և ակնկալում եմ, որ այդպես կլինի: Մենք աշխատում ենք դրա վրա», ասել է Բայդենը:
Ավելի վաղ Սպիտակ տունը հայտնել էր, որ Բայդենն առաջարկել է առաջիկա ամիսներին հանդիպում իրականացնել երրորդ երկրում:
Բայդենը պատրաստվում է հունիսին մեկնել Միացյալ Թագավորություն և Բելգիա՝ G-7-ի, ՆԱՏՕ-ի և Եվրոմիության ղեկավարների հետ գագաթաժողովների:
