Աշխարհում վերջին մեկ շաբաթվա ընթացքում ավելի քան 3,3 միլիոն մարդ վարակվել է կորոնավիրուսով, ավելի քան 55 հազարը մահացել է, հայտնում է Առողջապահության համաշխարհային կազմակերպությունը (ԱՀԿ)։
«COVID-19-ով վարակման դեպքերի և մահերի թիվը շարունակել է նվազել մեկ շաբաթվա ընթացքում. սեպտեմբերի 20-ից 26-ն ընկած ժամանակահատվածում գրանցվել է ավելի քան 3,3 միլիոն վարակման և ավելի քան 55 հազար մահվան դեպք»,- ասվում է ԱՀԿ համաճարակային տեղեկագրում: Ընդգծվում է, որ հիվանդացությունը և մահացությունը նախորդ շաբաթվա համեմատ նվազել են 10%-ով:
Հայտնաբերված նոր վարակման դեպքերի զգալի նվազում է գրանցվել մեկ շաբաթվա ընթացքում Արևելյան Միջերկրածովքում (17%-ով), Արևմտա-Խաղաղօվկիանոսյան տարածաշրջանում (15%-ով), Ամերիկայում (14%-ով), Աֆրիկայում (12%-ով) և Հարավարևելյան Ասիայում (մինչև 10 %): Միևնույն ժամանակ, Եվրոպայում դեպքերը մնացել են նույն մակարդակի վրա:
