Facebook-ը եւ TikTok-ը չեն չեղարկի «Թալիբան» շարժման քարոզչության արգելքը այն բանից հետո, երբ խումբը վերահսկողություն է հաստատել Աֆղանստանի վրա:
Դրանք CNBC-ին հայտնել են, որ ահաբեկչական կազմակերպություն են համարում աֆղանական խմբավորումը, որը տարիներ շարունակ սոցիալական ցանցերի հարթակները օգտագործել է իր ուղերձները տարածելու համար:
Facebook-ը հայտարարել է, որ կոնտենտի մոդերատորների հատուկ խումբ ունի, որը վերահսկում եւ հեռացնում է թալիբների հետ կապված հաղորդագրությունները, պատկերները, տեսանյութերը եւ այլն:
««Թալիբանը», որպես ահաբեկչական կազմակերպություն, ԱՄՆ-ի օրենսդրության համաձայն պատժամիջոցներ է կրում, եւ մենք արգելել ենք նրանց օգտվել մեր ծառայություններից՝ մեր քաղաքականությանը համապատասխան», – ասել է Facebook-ի ներկայացուցիչը:
Նրա խոսքով՝ մի քանի տարի է, ինչ թալիբներին արգելված է մուտք գործել Facebook: Facebook-ը հայտարարել է, որ ջնջվելու են այն հաշիվները, որոնք վարում են թալիբները, ինչպես նաեւ նրանք, որոնք գովաբանում եւ աջակցում են թալիբներին:
«Ունենք նաեւ Աֆղանստանի հարցերով փորձագետների հատուկ խումբ, որոնք դարի եւ փուշթու լեզուների կրող են եւ գիտեն ծանոթ են կոնտեքստին, ինչը օգնում է բացահայտել եւ մեզ զգուշացնել հարթակում առաջացող խնդիրների մասին», – ասել է Facebook-ի ներկայացուցիչը:
TikTok-ը «Թալիբանն» անվանել է ահաբեկչական կազմակերպություն եւ հայտարարել, որ շարունակում է հեռացնել նրանց գովաբանող, փառաբանղ կամ աջակցող կոնտենտը:
News.am
