Վանաձորի Շառլ Ազնավուրի անվան մշակույթի պալատում կայացել է Վանաձորի «Հորովել» երգի-պարի անսամբլի «Տիրուհիները» պարային ներկայացման առաջնախաղը։
Այն անդրադառնում է հայոց պատմության էջերում նշանակալի դերակատարում ունեցած 5 թագուհիներին՝ Զարուհուն, Սաթենիկին, Փառանձեմին, Խոսրովանույշին և Կեռանին, որոնք խորհրդանշում են հայ կնոջ հավաքական վեհ և անկոտրում կամքը, գեղեցկությունն ու ստեղծարար ոգին։
Դահլիճում ներկա էին ԿԳՄՍ փոխնախարար Դանիել Դանիելյանը, մարզային և համանքային պաշտոնական այրեր, ինչպես նաև մշակութային գործիչներ հանրապետության տարբեր քաղաքներից։
ԿԳՄՍ նախարարության դրամաշնորհով ստեղծված պարային ներկայացման առաջնախաղը հանդիսատեսի հավանությանն արժանացավ։
Հաջորդ 2 ներկայացումները սպասվում են դեկտեմբերի 12-ին, Վանաձորի Շառլ Ազնավուրի անվան մշակույթի պալատում։
