Այսօր Ընտանիքի միջազգային օրն է։ Այն նշվում է 1993 թվականից՝ ՄԱԿ-ի գլխավոր ասամբլեայի որոշմամբ։ Հայաստանում այս տոնը նշվում է 2011 թվականից։
Գեղանկարիչ Աշոտ Մելքոնյանի արվեստում ընտանիքը, մայրությունը և մարդկային ջերմ հարաբերությունները մշտական թեմաներ են։
Նրա «Ընտանիք» կտավում պատկերված է հայ ընտանիքի խորհրդանշական պատկեր. ուշադրության կենտրոնում է մոր կերպարը՝ խնամքով հարդարված մազերով, խաղաղ հայացքով, սիրով գրկած իր զավակին։
Հայ կնոջ ընդհանրական այս կերպարում արտացոլված են ընտանեկան արժեքները՝ սերնդից սերունդ փոխանցվող։
Աշոտ Մելքոնյան, Ընտանիք, 1967, կտավ, Հայաստանի ազգային պատկերասրահ
