«2200 ստորագրություն կա․ սա այն կրիտիկական զանգվածն է, որը պատրաստ է գործողությունների». Նվերն ու Արթուրը դադարեցրին հացադուլը

Նվեր Կիրակոսյանն ու Արթուր Ավագյանը դադարեցրին հացադուլը։
Հիշեցնենք, որ նրանք հացադուլ էին հայտարարել ապրիլի 18-ից։ 24 ժամ Ազատության հրապարակում էին՝ սպասելով իրենց համախոհների, անկախության սերնդի արձագանքին։ Արթուրն ու Նվերը, հացադուլ հայտարարելով, իրենց բողոքն ու ընդվզումն էին հայտնում այսօրվա իշխանությունների՝ Արցախի նկատմամբ վարած քաղաքականաության դեմ։ Նշենք, որ Նիկոլ Փաշինյանը հայտարարել էր, թե միջազգային հանրությունը պահանջում է, որ Արցախի կարգավիճակի նշաձողն իջեցնենք։
Արցախն ամբողջությամբ Ադրբեջանին հանձնելու վտանգը տեսնելով՝ 44-օրյա պատերազմում կռված Արթուրն ու Նվերը դիմել էին ծայրահեղ քայլի, թեև նրանք ոչ թե հացադուլը, այլ ստեղծված իրավիճակն են համարում ծայրահեղ։ Տղաները ստորագրահավաք էին սկսել։ 2200 մարդ ստորագրելով իր բողոքն է հայտնել, որ Արցախը չի լինելու Ադրբեջանի կազմում։
«Այն նույն Արցախի, որը մենք, որպես անկախության սերունդ, ստացել ենք որպես ժառանգություն։ Մենք այս նույն հրապարակից ի լուր բոլորին ասացինք՝ տանը կամ սրճարաններում նստած, ֆեյսբուքում գրառումներ անելով ոչնչի չենք հասնելու, ու թեեւ մեր քայլը ծայրահեղ է, բայց ծայրահեղ է նաեւ այն իրավիճակը, որում հայտնվել ենք մենք։ Մենք նաեւ ասացինք, որ մեզ համարում ենք բոլոր այն մարդկանց եւ ուժերի համախոհը, իսկ նրանք էլ՝ մերը, ովքեր համարում են, որ Արցախը չի կարող եւ չի լինելու Ադրբեջանի կազմում»։