Ադրբեջանի մարդու իրավունքների հանձնակատար Սաբինա Ալիևան հայտարարություն է տարածել՝ պահանջելով 1918թ.-ի իրադարձությունները ճանաչել որպես «ցեղասպանություն»․ գրում է ադրբեջանական ԱՊԱ գործակալությունը։
«1918 թվականի մարտ-ապրիլյան իրադարձությունների ընթացքում քաղաքացիական բնակչության սպանությունն՝ իրենց ազգային և կրոնական պատկանելության համար և ցեղասպանության հանցագործությունները, ցավոք, մինչ օրս միջազգային մակարդակով արդարացի գնահատական չեն արժանացել», – ասում է նա։
«Ադրբեջանցիների դեմ կատարված ցեղասպանական հանցագործությունների միջազգային ճանաչումը, ինչպես նաև արդարադատության վերականգնումը կարևոր են մարդկության դեմ նմանատիպ հանցագործությունների կրկնությունը կանխելու համար։ Միջազգային կազմակերպությունները և ՄԱԿ-ի անդամ պետությունները պետք է սկզբունքային դիրքորոշում ընդունեն հայերի կողմից ադրբեջանցիների դեմ կատարված համակարգված «էթնիկ զտումների և ցեղասպանության հանցագործությունների վերաբերյալ» և 1918 թվականի իրադարձությունները ճանաչեն որպես «ցեղասպանություն»», – ասում է Ալիևան:
