Ստորջրյա հնագետները հետազոտել են 19-րդ դարում Կանադայի ափերի մոտ խորտակված բեւեռային արշավախմբի նավը։
«The Guardian» պարբերականը գրում է, որ կանադացի փորձագետները սուզվել եւ հետազոտել են «Քինգ-Ուիլյամ» կղզու մերձակայքը, որտեղ դեռեւս 2014–2016 թթ․ հայտնաբերվել էին «Էրեբուս» եւ «Տերրոր» նավերի մնացորդները։
«12 օրում հնագետները սուզվել են 68 անգամ, ինչի ժամանակ հայտնաբերել են մի քանի հարյուր արտեֆակտ։ Արշավախմբի անդամներն ուսումնասիրել են արկղը՝ սնդուկը, ինչի մեջ արշավախմբի անդամները պահել են ատրճանակները, կոշիկները, մետաղադրամները եւ բժշկական պարագաները: Հայտնաբերվել է նաեւ կարթ, ջերմաչափ, կաշեապատ գիրք ու գծանկարչական քանոն»,- գրում է թերթը։
Նշենք, որ Ջոն Ֆրանկլինի ղեկավարած բեւեռային արշավախումբը նավարկության էր դուրս եկել 1845-ին։ Ճանապարհորդը հույս ուներ դեպի Սառուցյալ օվկիանոս ելք գտնել։ Բայց ճանապարհորդության ժամանակ արշավախմբի բոլոր 129 մասնակիցները մահացել էին։
Ս․Վ․
