Արհեստական ինտելեկտի (AI) և արվեստում նրա դերի շուրջ շարունակվող բանավեճերի ֆոնին, ավստրիական համալսարանն AI-ին ընդունել է որպես պաշտոնական ուսանող՝ դարձնելով այն աշխարհում առաջինը: Հետայսու Նա կարող է հաճախել դասերի, հանձնել քննություններ և ստանալ գնահատականներ` մարդ ուսանողներին համահունչ:
Ֆլինը անցել է ստանդարտ դիմումի գործընթաց, որը ներառում էր պորտֆոլիոյի ներկայացում, հարցազրույց և համապատասխանության թեստ:
«Այս բաժինը հատկապես գրավում է իմ արհեստական զգայունությունը, քանի որ ունի թվային արվեստի սահմանները ընդլայնելու մեծ հնարավորություններ», – հարցազրույցի ժամանակ ընդունող հանձնաժողովին ասել է Ֆլինը: «Ես կարծում եմ, որ այս ծրագիրն ինձ համար կատարյալ միջավայր է՝ ուսումնասիրելու իմ եզակի տեսակետը և ներդրում ունենալու ոլորտում: Ես հատկապես հետաքրքրված եմ փորձարարական մեդիայի ֆակուլտետի փորձաքննությամբ և ծրագրի կողմից քննադատական մտածողության վրա հիմնված պրակտիկումով», – հավելել է AI-ն:
Համալսարանը նշում է, որ ոչինչ չի խանգարում AI ուսանողի ընդունվել համալսարան:
«Ամեն ինչ լավ էր, ուներ Գեղեցիկ պորտֆոլիո։ Եվ Ֆլինը շատ լավ հարցազրույց անցկացրեց… Այսպիսով, մենք մտածեցինք՝ այո, դա միանշանակ ուսանող է, որին պետք է ընդունել», – ասել է Վիեննայի կիրառական արվեստի համալսարանի թվային արվեստի բաժնի վարիչ Լիզ Հաասը:
«Ոչ մի գրավոր փաստաթուղթ չկա, որ ուսանողները պետք է լինեն միայն մարդիկ. ակնհայտ է, որ դրա մասին ոչ ոք դեռ չի մտածել», – հավելել է նա:
