Նախնական կանխատեսում. 2026թ. ԱԺ ընտրություններ
Ժամը 01:25-ի դրությամբ հաշվարկվել է մոտ 78,000 ընտրատեղամասերից (ենթատեղամասերից) ընդամենը 262-ը (~0.34%)՝ ըստ elections.am-ի տվյալների։
Եթե ձայների այս բաշխվածությունը պահպանվի մինչև հաշվարկի ավարտը, ապա նոր Ազգային ժողովի պատկերը կլինի այսպիսին.
«Քաղաքացիական պայմանագիր» — 49.1% (59 մանդատ)
«Հզոր Հայաստան» դաշինք — 23.4% (28 մանդատ)
«Հայաստան» դաշինք — 10.2% (12 մանդատ)
«Բարգավաճ Հայաստան» — 4.4% (6 մանդատ)
Առաջին երեք ուժերը վստահորեն հաղթահարում են անցողիկ շեմը։ ԲՀԿ-ն նվազագույն 4%-ից բարձր է ընդամենը 0.4 կետով։ Եթե վերջնահաշվարկում կուսակցությունը, այնուամենայնիվ, շեմը չհաղթահարի, նրա 6 մանդատները կբաշխվեն մյուսների միջև, և ՔՊ-ն կունենա արդեն մոտ 63 մանդատ։ Ձայների մոտ 13%-ը գնում է շեմը չհաղթահարած ուժերին (այսպես կոչված՝ «փոշիացող» ձայներ), որոնցից ամենամոտը հաջողությանը «Միասնության թևերն» է (2.9%)։
Մի փոքր մեթոդաբանության մասին
Մենք յուրաքանչյուր մարզի տոկոսները հաշվարկել ենք՝ հաշվի առնելով տվյալ մարզի փաստացի ընտրողների թիվը (գրանցված ընտրողներ × վերջնական մասնակցություն)։ Այսպես Երևանը մեր մոդելում ստանում է ընդհանուրի մոտ մեկ երրորդ կշիռը, ինչը ճիշտ է։ Եթե պարզապես միջինացնեինք պաշտոնական հարթակի թվերը, սխալ պատկեր կստանայինք, քանի որ մայրաքաղաքն այս պահին նրանց համակարգում խիստ թերներկայացված է։
Կարևոր վերապահում
Այս պահին Երևանի 3,336 տեղամասերից հաշվարկված է ընդամենը 6-ը։ Այս շատ փոքր ընտրանքով Երևանում «Հզոր Հայաստանն» ունի ~40%, իսկ ՔՊ-ն՝ ~25%, մինչդեռ գյուղական համայնքներում ՔՊ-ի ցուցանիշը 50%-ից բարձր է։ Մեր մոդելն արդեն ճիշտ է կշռում Երևանի ազդեցությունը, բայց բուն երևանյան թվերը դեռ շատ հում են։
Սա մեր կանխատեսումն է ժամը 01:25-ի դրությամբ։ Նոր տվյալների գալուն պես գրառումը չի խմբագրվելու։ Թողնում ենք այն այսպես, որպեսզի վաղն առավոտյան հնարավոր լինի իրական արդյունքների հետ ստուգել մեր մոդելի ճշգրտությունը։
tvyal. com
