Քաղաքական գործիչների/գործիքների մեծ մասը, որ պաշտպանում է Գարեգին Բ-ին, չի էլ փորձում հերքել, որ վերջինս ուխտադրուժ է. Վահագն Ալեքսանյան
ԱԺ «Քաղաքացիական պայմանագիր» խմբակցությունից Վահագն Ալեքսանյանը ևս լծվել է եկեղեցահալած ու հատկապես կաթողիկոսահալած գործին։
Նա ֆեյսբուքյան գրառում է արել, հետո տեսաուղերձով հանդես եկել։
Գրառումը՝ ստորև.
Քաղաքական գործիչների/գործիքների մեծ մասը, որ պաշտպանում է Գարեգին Բ-ին չի էլ փորձում հերքել, որ վերջինս ուխտադրուժ է, դեռ նույնիսկ որոշ դեպքերում հաստատում է։ Հետո դեմքին մաքսիմալ լուրջ արտահայտություն տալով ասում է,- «Սրանք քանդում են մեր արժեքները, պետք է մեր ինստիտուտները պաշտպանենք սրանցից»։
Պարզագույն սիլոգիզմը ցույց է տալիս, որ սրանց պաշտպանած միակ ինստիտուտը ուխտադրժությունն է՝ երդմնազանցությունը։ Լինել ուխտադրժության պաշտպան՝ նշանակում է անձամբ լինել ուխտադրուժ ու երդմնազանց։
Բարոյական մարդը չի կարող պաշտպանել երդմնազանցությունը, ֆիզիկապես չի կարող։
