Հայաստանում փետրվարի 13–ին տեղի ունեցած երկրաշարժից հետո գրանցվել է 165 հետցնցում։ Դրանցից ամենաուժեղը 3 մագնիտուդով է. տեղեկությունը հայտնել է «Սեյսմիկ պաշտպանության տարածքային ծառայություն» ՊՈԱԿ-ի տնօրեն Սոս Մարգարյանը։
Հետցնցումների նման ակտիվությունն ու քանակը նա բնական է համարել։
«Եթե շատ հին մի կառույցից մի քանի քար է թափվել, դեռ չի նշանակում, որ փլուզում է: Օրինակ, Երեւանում շատ մարդիկ կան, որ ասել են՝ չենք զգացել, կան մարդիկ, որոնց նկարագրությունից երեւում է, որ շատ ուժեղ են զգացել: Եթե մարդը մի փոքր ավելի շատ է վախեցած, ավելի ճոխ է նկարագրում: Ես ինքս 8-րդ հարկում եմ ապրում, երկրաշարժի ժամանակ հանգիստ ընտանիքով գնացեինք կանգնեցինք այնտեղ, որպտեղ պետք է կանգնենք»,- ասել է Սոս Մարգարյանը:
