Սփյուռքահայ բարերար, արդյունաբերող, նորագույն տեխնոլոգիաների մշակման մասնագետ Վահե Կարապետյանը ֆեյսբուքյան տեսաուղերձով իր վրդովմունքն է հայտնել Փաշինյանի վարած քաղաքականության, նրա վարքագծի, գործունեության նկատմամբ։
Վահե Կարապետյանը տարիներ շարունակ մեծ հանգանակություններ է ուղղել «Հայաստան» համահայկական հիմնադրամին, նրա նվիրաբերած գումարներով կառուցվել է Արցախի հյուսիս-հարավ ճանապարհը, Ամարաս տանող ճանապարհը, Գորիս-Ստեփանակերտ ճանապարհը։ Ու հիմա Հայաստանի ղեկավարն ամեն ինչ անում է, որ Սփյուռքը կտրվի Հայաստանից, որովհետև այդպես է ուզում թուրքիան, այդպես է ուզում Ադրբեջանը։ Չկա Սփյուռք, չկա Հայոց ցեղասպանության ճանաչման, պահանջատիրության հարց։
Վահե Կարապետյանը վստահ է, որ Փաշինյանն ամեն ինչ մտածված, ծրագրված է անում՝ ի շահ մեր թշնամիների։
Նա նույնքան վստահ է, որ Փաշինյանի՝ ամեն տեղ ցուցադրած «խաղաղության խաչմերուկն» ընդամենը խաբկանք է, մանիպուլյացիա, իսկ իրականում Մեղրին հանձնելու ծրագիր է։
