Փաշինյանը հանձնարարեց, որ Հայաստանի գերատեսչություններն աշխատեն Թուրքիայի գերատեսչությունների հետ

«Հիմա շատ կարեւոր է, որ Հայաստանի գերատեսչությունները Թուրքիայի համապատասխան գերատեսչությունների հետ աշխատեն, որովհետեւ այդ աշխատանքից է կախված պայմանավորվածությունների իրագործումը: Իմ հանձնարարությունն է, որ կոորդինացված աշխատենք, որ հնարավորինս շուտ կարողանանք իրագործել ձեռք բերված պայմանավորվածությունները»,- ասաց վարչապետ Փաշինյանը հուլիսի 7-ի Կառավարության նիստում։

Նա նշեց, որ Հայաստանի եւ Թուրքիայի հատուկ ներկայացուցիչները երրորդ երկրների քաղաքացիների համար երկու երկրների սահմանը բացելու պայմանավորվածության են հասել, ինչպես նաեւ երկու երկրների միջեւ բեռնափոխադրումներն օդային ճանապարհով իրականացնելու պայմանավորավածություն են ձեռք բերել։