Նիկոլ Փաշինյանն այցելել է Սյունիքի մարզ: Նա Կապանում ներկա է գտնվել գեղանկարիչ Հրանտ Դանիելյանի տուն-թանգարանի և հուշաքարի բացման արարողությանը:
Նշենք, որ Հրանտ Դանիելյանը քպ-ական պատգամավոր Դավիթ Դանեիլյանի հայրն է։
Դավիթ Դանիելյանը Կապան համայնքի ընտրություններում ՔՊ համամասնական ցուցակը գլխավորող թեկնածուն է եղել, 2020 թվականին եղել է ԿԳՄՍ նախարարի օգնականը։
Փաշինյանը շրջել է տուն-թանգարանով` ծանոթացել Հրանտ Դանիելյանի աշխատանքներին: Նիկոլ Փաշինյանը ողջունել է տուն-թանգարանի բացումը` ընդգծելով, որ այն նոր շունչ կհաղորդի Կապանում մշակութային կյանքի ակտիվացմանն ու զբոսաշրջության խթանմանը:
Թանգարանի տարածքը 1987 թվականից եղել է նկարչի արվեստանոցը: Գեղանկարիչը հեղինակել է տասնյակ կտավներ Խուստուփի տեսարաններով, կապանյան բնապատկերներով և ազգային նատյուրմորտներ:
Այսուհետ թանգարանը բաց կլինի այցելուների համար մշտական ցուցադրությամբ:
Հրանտ Դանիելյանի աշխատանքները գտնվում են մասնավոր հավաքածուներում Հայաստանում, ԱՊՀ-ում և արտասահմանյան այլ երկրներում:
Դանիելյանի ստեղծագործությունները ընդգրկում են տարբեր ժանրեր՝ նատյուրմորտներ, բնապատկերներ և դիմանկարներ։
