2024 թվականի փետրվարի 7-ին կայանալիք արտահերթ նախագահական ընտրություններում Իլհամ Ալիևը կլինի իշխող «Ենի Ազերբայջան» կուսակցության թեկնածուն։
«Ենի Ազերբայջանի» փոխնախագահ Թաիր Բուդագովը նշել է. «Երկար տարիներ բոլորն ասում էին, որ ով ազատագրի Ղարաբաղը, նա կլինի մեր հավերժ նախագահը։ Ալիևն արժանի է, որ լինի Ադրբեջանի նախագահ։ Այս տեսակետը կիսում է Ադրբեջանի յուրաքանչյուր հայրենասեր։ Կոլեգիայի նիստում բոլորը նույնպես կարտահայտեն իրենց կարծիքը»։
Նշենք, որ Ալիևների կլանը բաց չի թողնում Ադրբեջանի կառավարության ղեկը։ Հայր Ալիևից հետո՝ 2003 թվականից ի վեր, Ադրբեջանի նախագահն որդի Իլհամն է։ Նա որդեգրել է միջինասիական ավանդույթը՝ հավերժ, ցմահ նախագահի ինստիտուտը և թույլ չի տալիս, որպեսզի երկրի ղեկավարի այլ կերպար կամ գոնե նրա ստվերը ձևավորվի։
