«Ազգի» խմբագրակազմն իր խորազգաց ցավակցությունն է հայտնում Հասմիկ Պապյանին, նրա եղբայրներին՝ Հրաչյային եւ Հրանտին՝ սիրելի մայրիկի՝
Նորա Պապյանի (6.05.1938թ.- 4.06.2021թ.) մահվան առթիվ:
Բարի, առաքինի, գյումրեցու պատվախնդրությամբ հյուրընկալող, հյուրասիրող տիկին Նորան երջանիկ կին էր՝ նա Հայաստանին երեք արժանավոր զավակ, ութ թոռ էր պարգեւել, աշխարհը ման էր եկել, մեծ ու ավելի մեծ թատրոններում, համերգասրահներում տեսել էր դստեր՝ Հասմիկի հաղթանակը, երկրպագուների որոտընդոստ ծափերն ու սերը ու շատ համեստ էր, երբ խնդրում էինք պատմել…Իսկական անձնազոհ հայ մեծ մայրիկ էր՝ մեր սիրելի երգչուհու դստերը՝ Սիրանույշին ինքն է պահել, հայկականության, ավանդականի հանդեպ սեր ներարկել:
Հովսեփյանների, Գույումջյանների ընտանիքները միանում են ցավակցությանը:
Նորա Պապյանի հոգեհանգիստը՝ հունիսի 5-ին, ժամը 17.00- 20.00 «Հավերժություն» սգո սրահից (Միքայելյան ինստիտուտի հարեւանությամբ): Հուղարկավորությունը՝ հունիսի 6-ին, ժամը 14.00-ին, նույն վայրից:
