Ալավերդին հիմա…
Հեղեղված տարածքներում մնացած մարդիկ արտաքին աշխարհի հետ շփվելու խնդիրներ ունեն։
Հեռախոսակապ, ինտերնետ չկա, հեռուստացույցը չի աշխատում։
Մարդիկ չեն կարողանում լքել իրենց տները, իսկ ստորին հարկերի կոյուղաջրերը հոսում են բնակարաններ։
«Կեղծ լուրեր են տարածվում գետերի վարարման հետևանքով զոհերի, անհետ կորածների և արգելափակված քաղաքացիների վերաբերյալ: ՆԳՆ փրկարար ծառայությունը ողջ ծավալով ներգրավված է միջոցառումներին»,-հայտնել է ՆԳՆ մամուլի խոսնակ Նարեկ Սարգսյանը։
«Աշխատանքները դեպքի վայրում համակարգում է ՆԳՆ ՓԾ տնօրեն-ՆԳ նախարարի տեղակալ Կամո Ցուցուլյանը: Աշխատանքներին ներգրավված են նաև ՆԳՆ ոստիկանության ծառայողներ: Պարբերաբար տրվում է տեղեկատվություն:
Հետևեք միայն պաշտոնական տեղեկատվությանը և զերծ մնացեք չճշտված ու խուճապ առաջացնող լուրեր տարածելուց»,-նշել է նա:
